Qallunaatut atia: Islom
Latiinerisut atia: Gavia immer
Tuluttut atia: Great Northern Diver; Great Northern Loon; Common Loon
Sorlernut ilaava: Timmissat
Timmiaqatai: Qarsaakkut
Ilaqutai: Qarsaakkut

Kalaallit Nunaata kitaani avannamut Upernavik aammalu Ammassallup eqqaani Illoqqortoormiullu tikillugit ikittunnguullutik erniortarput. Piaqqisut maajimiit oktobarimut tatsini angisuuni takussaariarlutik tammartarput.

Ilisarnaatai
Tuulliup tunua aasakkut qernertuusarpoq qaqortunik kipparingajattunik milaqarluni, qungasia qernertoq qaqortunik titarniisalik. Ukiukkut qalipaataa ataasiinnaavoq, tunua qernertuulluni qungasia qaqortuulluni.

Nerisai
Nerisarai aalisakkat, uillut, peqquit, qullugissat sullerngillu, immap iluani siggussuarminik inngigissunik pisarisakkani.

Islom - Gavia immer - Great Northern Diver; Great Northern Loon; Common Loon
Paasissutissat
  • Uumaffii: Sineriak imarlu
  • Sului siaarlutik: 118-142 cm
  • Takissusia: 70-90 cm
  • Oqimaassusia: 3,8-4 kg
  • Manniisa amerlassusaat: 2
  • Manniliortarpoq: ukiumut ataasiarluni
  • Ivasarpoq: ullut 29-30
  • Piarai piaraasarput: ullut 70-77
Nalunngiliuk?
Tuulliup piaqqinermi nalaani qarlornera sumorsuaq tusaaneqarsinnaavoq. Qarlornera assinguvoq kappialanermut qarlulanermullu, assersuunneqarsinnaalluni illapalaarnermut. Qarlornera filmini quilertanartuliani aamma atorneqartarpoq.