Qallunaatut atia: Sneugle
Latiinerisut atia: Nyctea scandiaca
Tuluttut atia: Snowy Owl
Sorlernut ilaava: Timmissat
Timmiaqatai: Uppikkut
Ilaqutai: Uppikkut

Uppik issittormiuuvoq, Kalaallit Nunaata tunuata avannaani aammalu Kitaata avannaani piaqqiortarluni masarsunni qeriuaannartuni, qaqqani paarnaqutaannalinni aammalu qaqqani narsartani akuttusuunik qaarsortalinni. Ukiukkut Kalaallit Nunaanni tamarmi aallartartutut aqqusaarluniluunniit takussaasarpoq, allaat sikuni saatsersuni.

Ilisarnaatai
Angutiviaq qaqorluinnangajappoq. Arnaviaq piaqqallu inersimasunngulersut taarnerusunik milaqarput. Isigai meqqoqarput, niaqorujussuaqarluni, siumut sammisunik sungaartunik iseqarluni sigguilu najungasuullutik. Arnaviaq angutivissamiit anneruvoq.

Nerisai
Uppiit piaqqiornerminni avinngartornerupput. Miluumasut allat aamma nerisarpaat, soorlu ukallit timmissallu, ilaannikkullu aalisakkat.

Paasissutissat
  • Uumaffii: Qaqqat
  • Sului siaarlutik: 125-165 cm
  • Takissusia: 53-66 cm
  • Oqimaassusia: 1,5-2,5 kg
  • Manniisa amerlassusaat: 4-11
  • Manniliortarpoq: ukiumut ataasiarluni
  • Ivasarpoq: ullut 30-40
  • Piarai piaraasarput: ullut 43-50
Nalunngiliuk?
Avinngaqanngingajakkaangat uppiit piaqqineq ajorput. Avinngaqarluaraangalli piaqqiorluartarput.
Sneugle - Nyctea scandiaca - Snowy Owl