NAAQQAATIT ATAATSIMIK PILUTALLIT

  • Ivigaasaq ammallorissoq

    Klik for at læse mere

    Ivigaasaq ammallorissoq

    Klik for at læse mere

    Qallunaatut atia: Hoved-star
    Latiinerisut atia: Carex capitata
    Tuluttut atia: Capitate Sedge
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat

    Ivigaasaq ammallorissoq naasarpoq paarnaqutaannalinni sivinganernilu naggorluttuni.

    Kanaartaa pilutaalu
    Ivigaasaavoq makittarissumik kanaartalik, pilutaqarpoq 1 mm-isut silitsigisunik qooqqinilinnik maniilakulattunik, kanaartaanit naannerusunik.

    Kaavequtaa inerittuilu
    Kaavequteqarfia nooqutaavoq manningasoq ammallorissoq angutiviaasinnaallunilu arnaviaasinnaasoq, ataasiakkaanik angutivissanik nooqutilik, kajortunik sungarpaluttunik tattalik.

  • Ivigaasaq paarnarluusalik

    Klik for at læse mere

    Ivigaasaq paarnarluusalik

    Klik for at læse mere

    Qallunaatut atia: Tue-kogleaks
    Latiinerisut atia: Trichophorum caespitosum
    Tuluttut atia: Deergrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Ivigaasaq paarnarluusalik Kalaallit Nunaanni kisiartaavoq. Naasarpoq masarsunni sivinganernilu, paarnaqutaannalinni tasinnguanilu masarsuusuni.

    Kanaartaa pilutaalu
    Ivigaasaq paarnarluusalik pinguttakkuutaarluni naasarpoq, kanaartai amitsuaqqat, titarniisallit qeratasuut. Kanaartai manngumikkut pilutaaraqarput putoorutaasanik nuui inngigissunik.

    Sikkersui
    Kanaartai tamarmik immikkut sungaartunik kajuartunik 4-5 mm-isut takitigisunik kaavequtillit, sikkersui angutiviaallutillu arnavissat.

  • Ivigaasaq qerattaarissoq

    Klik for at læse mere

    Ivigaasaq qerattaarissoq

    Klik for at læse mere

    Qallunaatut atia: Rank star
    Latiinerisut atia: Carex bigelowii
    Tuluttut atia: Stiff Sedge
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat

    Naasarpoq paarnaqutaannalinni apusineqarfinnilu.

    Kanaartaa pilutaalu
    Kanaartai silittut qeratasuut qaatungaat maniilakulattut. Pilutai najungaartut sinai ammut qullungalaartut.

    Kaavequtaa inerittuilu
    Kaavequteqarfia tassaavoq kaavequt angutiviaq 1, aamma 2-4-t makittarissut arnavissat ulamertut. Kajortunik qernaluttunik tattaasaqarpoq qaamasunik, qeqqi qaamasumik quassugaasalimmik, aammalu inerittussaqarfii qorsuit naatsumik sigguusallit.

  • Ivigaasaq qernaluttoq

    Klik for at læse mere

    Ivigaasaq qernaluttoq

    Klik for at læse mere

    Qallunaatut atia: Sort star
    Latiinerisut atia:Carex atrata
    Tuluttut atia: Black Alpine-Sedge
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat

    Naasarpoq pinguttakkuutaarluni paarnaqutaannalinni, orpigaqarfinni sivinganernilu.

    Kanaartaa pilutaalu
    Kanaartaqarpoq silittunik, qeratasuunik maningajattunik imaluunniit ataatungimikkut qerattaqqutilinnik, sungaartut qorsorpaluttunik pilutalinnik.

    Kaavequtaa inerittuilu
    Kaavequteqarfia tassaavoq qernertunik 3-6-nik manningasunik tumaasanilluunniit kaavequtilik, qulliit arnaviaallutillu angutivissat, manngumikkut angutiviaallutik. Inngigissunik qernertunik tattaasaqarpoq aammalu qorsunnik, tumaasanik inerittussaasiveqarlutik naatsunik sigguusalinnik.

  • Ivigaq aappaluartoq

    Klik for at læse mere

    Ivigaq aappaluartoq

    Klik for at læse mere

    Qallunaatut atia: Rød svingel
    Latiinerisut atia: Festuca rubra
    Tuluttut atia: Red Fescue, Creeping Red Fescue
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Naasarpoq Kitaani kujasissumi Kitaatalu qiterpasissuani sivinganerni, narsani ivigalinni, orpigaqarfinni, kuuillu sinaanni sioralinni. Pinguttakkuutaarluni naasarpoq.

    Pilutai sikkersuilu
    Manngumigut pilutai qeratasut, tungujortut qorsorpaluttut børstiusaanngikkunik qooqqinillit kanaartaasa pilutai manissut. Pilutaasa tunnganerisa puui aappalungusersut. Kaavequteqarfia aappalungusersunik kaavequteeraqarpoq, tamarmik immikkut 5-8-nik sikkersulinnik.

  • Ivigaq eqimattaq

    Klik for at læse mere

    Ivigaq eqimattaq

    Klik for at læse mere

    Qallunaatut atia: Klippe-svingel
    Latiinerisut atia: Festuca brachyphylla
    Tuluttut atia: Alpine Fescue
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Kalaallit Nunaanni sumi tamaani nalinginnaavoq pinguttanngorluni naasarluni qatsissuni, paarnaqutaannalinni kuuillu sinaanni.

    Kanaartaa pilutaalu
    Kanaartai manissut qeratasuut makittarissut pilutai børstiusat, qeratasuut nuui inngigissut.

    Sikkersui
    Kaavequteqarfiata nuua sillakullak qorsuk tunguusangasoq kaavequteqarfeeralik tamarmik immikkut 4-8-nik sikkersulinnik.

  • Ivigaq ilingaartumik nooqutilik

    Klik for at læse mere

    Ivigaq ilingaartumik nooqutilik

    Klik for at læse mere

    Qallunaatut atia: Bølget bunke
    Latiinerisut atia: Deschampsia flexuosa
    Tuluttut atia: Common Hairgrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Ivigaq ilingaartumik nooqutilik naasarpoq kujasissumi pinguttanngorluni paarnaqutaannalinni, orpigaqarfinni sivinganernilu.

    Kanaartaa pilutaalu
    Kanaartaa manissoq aappalungusersoq tunngavimmigut børstingasunik qituttunik pilutalik kanaartamigut pilutaqanngingajattoq.

    Kaavequtaa inerittuilu
    Kaavequteqarfiata nuua 3-9 cm-isut takitigisoq ilingaartunik avalequteqarpoq kajortunik tunguusaasanik marlunnik nooquteqarluni inerittussaqarfinnik. Kaavequtai sungaartunik kajuartunik tattaasaqarput.

  • Ivigaq kajuartumik nooqutilik

    Klik for at læse mere

    Ivigaq kajuartumik nooqutilik

    Klik for at læse mere

    Qallunaatut atia: Fjeld-gulaks
    Latiinerisut atia: Anthoxanthum nipponicum
    Tuluttut atia: Mountain-Vernalgrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Ivigaavoq kujasissumi paarnaqutaannalinni ivigaqarluartuni orpigaqarfinnilu pinguttanngorluni naasartoq. Ivikkatut killoqqammikkatut tipeqarpoq.

    Pilutai sikkersuilu
    8 cm-isut takitigisunik, qorsuk qaamasunik manissunik pilutaqarpoq, 2-4- cm-isut takitigisunik kaavequtinik sikkersoqarfeqarluni. Kaavequteerai meqqullit tassaapput sikkersoq inerittussalik 1 sikkersullu kingunissaqanngitsut 2. Kaavequteqarfia inerikkaangami kajortoq sungarpaluttunngortarpoq.

  • Ivigaq narsaviarmiu

    Klik for at læse mere

    Ivigaq narsaviarmiu

    Klik for at læse mere

    Qallunaatut atia: Eng-rapgræs
    Latiinerisut atia: Poa pratensis
    Tuluttut atia: Meadow-grass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Ivigaq narsaviarmiu pinguttatut naasarpoq orpikkat akornini, paarnaqutaannalinni sivinganernilu.

    Kanaartaa pilutaalu
    Pilutai naatsut manissut qooqqinillit narlusuut nuui inngigissut. Kanaartai makittarissut sillakullaat 2-3-nik avinniusallit. Nuumigut avalequteqarpoq sillakullannik.

    Sikkersui
    Kaavequteqarfia nuuaniittoq kaavequteeraqarpoq tamarmik immikkut 3-5-nik sikkersoqartartunik. Nuua qorsuk, kajortoq tunguusaasaq.

  • Ivigaq nooqutarissoq

    Klik for at læse mere

    Ivigaq nooqutarissoq

    Klik for at læse mere

    Qallunaatut atia: Fjeld-hvene
    Latiinerisut atia: Agrostis mertensii
    Tuluttut atia: Northern Bentgrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Ivigaq nooqutarissoq Kalaallit Nunaanni naasarpoq paarnaqutaannalinni, sivinganerni innaarsunnilu. Naasarpoq pinguttatut torsusuunngorluni nukeruaqarani.

    Kanaartaa, pilutai sikkersuilu
    Ivigaq nooqutarissoq makittarissunik kanaartaqarpoq 1-2-nik seeqquusanik uiguneqarluni, pilutai manissut qaavi maniilakulattut. Kaavequteqarfia ammaannartoq sillajaamik nuulik qummut sammisunik amitsunik avalequtilik. Nuua kajuartoq 3 mm-isut atsigisumik ataatsimik sikkersartumik kaavequtilik qalequtalimmik saattumillu børstiusalik.

  • Ivigaq pamiuusalik

    Klik for at læse mere

    Ivigaq pamiuusalik

    Klik for at læse mere

    Qallunaatut atia: Fjeld-guldhavre
    Latiinerisut atia: Trisetum spicatum
    Tuluttut atia: Northern Oatgrass / Spiked Trisetum
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Ivigaq pamiuusalik pinguttatut torsusuunngorluni naasarpoq, apusineqarfinni, sivinganerni, paarnaqutaannalinni qatsissumilu.

    Kanaartaa, pilutai sikkersuilu
    Kanaartaa meqqulualik qituttunik manissunik ivigangasunik meqqulualinnik pilutalik 5-15 cm-isut takitigisunik, 2-5 mm-isut silitsigisunik. Kaavequteqarfia peqingaartoq kajortoq tunguusaasaq 2-3-nik sikkersunik kaavequteeralik, inerittussai tattaasallit avammut sammisut.

  • Ivigaq qatsissormiu

    Klik for at læse mere

    Ivigaq qatsissormiu

    Klik for at læse mere

    Qallunaatut atia: Fjeld-rapgræs
    Latiinerisut atia: Poa alpina
    Tuluttut atia: Alpine Meadow-grass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Ivigaq qatsissormiu naasarpoq sivinganerni, orpigaqarfinni, apusinerni, paarnaqutaannalinni issumilu naggorissakkami. Pinguttakkuutaarluni naasarpoq.

    Kanaartaa pilutaalu
    Kanaartai qeratasuut makittarissut 1-2-nik seeqquusallit 2-5 mm-isut silitsigisunik nuui inngigissunik pilutallit. Kanaartaasa pilutai mannguini pilutaanniit naannerupput.

    Sikkersui
    Ivigaq qatsissormiu kaavequteqarfeqarpoq torsusuumik silittumik, aappalungusersumiit kajortoq tunguusaasamik tamarmik immikkut 3-6-nik kaavequteeralinnik.

  • Ivigaq tarajulimmiu

    Klik for at læse mere

    Ivigaq tarajulimmiu

    Klik for at læse mere

    Qallunaatut atia: Krybende annelgræs
    Latiinerisut atia: Puccinellia phryganodes
    Tuluttut atia: Creeping Alkali-grass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Ivigaq tarajulimmiu naasarpoq torsusuunngorluni, takisuunillu aappalungusersunik nukeruaqarluni. Pingaartumik naasarput sissami narsaviani, kuuit akuini sissallu sinaanni.

    Pilutai sikkersuilu
    Pilutai naatsut meqqutaasat kinguleriit marluk 2-4- cm-isut takitigisumik nooqutillit 2-4-nik kaavequteerallit sikkersulinnik. Nuua sikkeraangami siaartarpoq.

  • Ivigaq tukattulik

    Klik for at læse mere

    Ivigaq tukattulik

    Klik for at læse mere

    Qallunaatut atia: Topspirende svingel
    Latiinerisut atia: Festuca vivipare
    Tuluttut atia: Viviparous Fescue
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Kalaallit Nunaanni sumi tamaani nalinginnaavoq. Pinguttaasatut naasarpoq paarnaqutaannalinni, apusineqarfinni, orpigaqarfinni, sivinganernilu ujaraaralinni.

    Kanaartaa, pilutai kaavequteeraalu
    Kanaartaqarpoq manissumik, pilutai børstiusat. Kaavequteerai qorsuit tunguusaasat, nuui tunguusat taartut, naatsunik kaavequtaasanik avalequtillit. Kaavequteerai kaavequteqarfimmi naasunngortarput, tassa imaappoq naatsiiassaninnatik nutaaliortarlutik.

  • Ivigarsuaq, Ivigalukooq

    Klik for at læse mere

    Ivigarsuaq, Ivigalukooq

    Klik for at læse mere

    Qallunaatut atia: Dunet marehalm
    Latiinerisut atia: Leymus mollis
    Tuluttut atia: Lymegrass, Dunegrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Ivigarsuaq sineriak tamakkerlugu naasarpoq sioralinni, ujaralinni, ujaraaralinni aammalu nunap timaani qooqquni kuuit sinaanni.

    Kanaartai pilutaalu
    Pilutai qorsuk tungujuartut, manissut, quassugaasallit, qeratasuut ninngusuut. Kanaartai sillakullaat qulaatungimikkut meqqullit.

    Sikkersui
    Ivigarsuaq makittarissumik torsusuunik meqqulimmik kaavequteqarpoq avinniusamigut 2-3-nik kaavequteeraqarluni. Kaavequteeqqat tamarmik immikkut 3-5-nik sikkersoqarput inngigissunik, qeratasuunik meqqulualinnik tattaasaqarlutik.

  • Ivissuaaraq pingasunik sikkersulik

    Klik for at læse mere

    Ivissuaaraq pingasunik sikkersulik

    Klik for at læse mere

    Qallunaatut atia: Treblomstret siv
    Latiinerisut atia: Juncus triglumis
    Tuluttut atia: Three-flowered Rush
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivissuakkut
    Ilaqutai: Ivissuit

    Kalaallit Nunaata annersaani nalinginnaavoq issumi isugutasumi, kalkeqarluartumi, tatsit sinaanni masarsunnilu. Pinguttakkuutaarluni naasarpoq.

    Kanaartaa, pilutai sikkersuilu
    Kanaartai qeratasuut makittarissut 3-8 cm-isut takitigisunik putoorutaasanik manngumikkut pilutallit, kaavequteqarfimmikkut naatsunik, tattaasanik 3-nik pilutaarallit. Kaavequteqarfia nalinginnaasumik sikkersoqarpoq pingasuugajuttunik nuuani eqimattanik.

    Inerittui
    Naatsiiassaasivia kajortoq taartoq naatsumik sigguusalik.

  • Ivissuaq

    Klik for at læse mere

    Ivissuaq

    Klik for at læse mere

    Qallunaatut atia: Arktisk siv
    Latiinerisut atia: Juncus arcticus
    Tuluttut atia: Arctic Rush
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivissuakkut
    Ilaqutai: Ivissuit

    Ivissuaq naasarpoq kuuit eqqaanni tatsillu sinaanni isugutasuni.

    Kanaartaa, pilutai sikkersuilu
    Kanaartai manissut qeratasuut makittarissut pilutai, qillertunik, aappaluttoq kajuartunik manngumikkut puullit. Sikkersui 3-10-t kajortut aappalungusersut nuuani torsusuumiipput ataatsimik pilutaaraqarlutik. Pilutaaraq nuuminut amiliartortoq kanaartaata uiguutigaa.

    Inerittua
    Inerittua qernertoq kajuartoq amerlasuunik naatsiiassalik naatsumik sigguusalik.

  • Ivissuaq nakangasulik

    Klik for at læse mere

    Ivissuaq nakangasulik

    Klik for at læse mere

    Qallunaatut atia: Aks-frytle
    Latiinerisut atia: Luzula spicata
    Tuluttut atia: Spiked Wood-rush
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivissuakkut
    Ilaqutai: Ivissuit



    Ivissuaq nakangasulik naasarpoq pinguttanngorluni sivinganerni qaarsuusuni ujaraaralinni, qatsissumi, ivikkat isugutasut akornini paarnaqutaannalinnilu panertuni.

    Kanaartaa pilutaalu
    Kanaartai manissuupput nuui peqingasut. Pilutai manissut, inngigissut qooqqinillit manngumikkut meqqullit. Pilutaasa tunngarnisa puui kajortut qaamasut.

    Sikkersui
    Sikkersoqarfia kaaveqummut assingusoq, nivingasoq imaluunniit “sikisartoq” eqimattanik naasussalik. Sikkersui kajortut taartut siilvitut qillertut.

  • Ivissuaq nassuusalik

    Klik for at læse mere

    Ivissuaq nassuusalik

    Klik for at læse mere

    Qallunaatut atia: Treblad-siv
    Latiinerisut atia: Juncus trifidus
    Tuluttut atia: Three-leaved Rush
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivissuakkut
    Ilaqutai: Ivissuit



    Ivissuaq nassuusalik naasarpoq pinguttakkuutaarluni paarnaqutaannalinni panertuni, sivinganerni ivigalinni qatsissumilu.

    Kanaartaa, pilutai sikkersuilu
    Kanaartai makittarissut amitsut titarneerallit, pilutai manngumikkut pisoqqanik puullit naatsut qooqqinillit. Kaavequtaat 1-2-kkuutaartut tiggusimasut, tamarmik immikkut 1-3-nik sikkersullit, takisuumik børstiusamik pilutaarallit.

    Inerittui
    Inerittua naatsiiassaasivik kajortoq taartoq qillertoq, titarniusalik manningasoq, sigguusalik.

  • Kapinaluk

    Klik for at læse mere

    Kapinaluk

    Klik for at læse mere

    Qallunaatut atia: Fjeld-pindsvineknop
    Latiinerisut atia: Sparganium hyperboreum
    Tuluttut atia: Northern Bur-reed
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Kapinaluk nalinginnaavoq tatsini, tasinnguani immannernilu.

    Kanaartaa pilutaalu
    Kapinaluk imermi naasartoq orlingasumik kanaartaqarpoq, tatsip naqqani “kanaartamik” nunap iluatigoortumik naasartumeersumik. 25-50 cm-isut takitigisunik puttasunik pilutaqarpoq manissunik narlusuunik.

    Kaavequtaa inerittuilu
    Kaavequteqarfii immap qaaniittut tassaapput arnavissat 1-4-t, ataatsimik minnerusumik angutiviartallit. Paarnaa kigutilik manngertoq manningasoq mikisuaqqamik sigguusalik. Inerittui imermi siaruarterneqartarput.

  • Kimmernakuluut

    Klik for at læse mere

    Kimmernakuluut

    Klik for at læse mere

    Qallunaatut atia: Fjeldkonval
    Latiinerisut atia: Streptopus amplexifolius
    Tuluttut atia: Clasping-leafed Twisted-stalk; Watermelon berry
    Gruppi: Naasut
    Naasoqatai: Naaqqaatit ataatsimik pilutallit
    Ordeni: Aspargesikkut
    Ilaqutai: Konvalit

    Kimmernakuluut naasarput Kitaata kujasissuani sivinganerni, orpigaqarfinni isugutasuni narsartanilu. Kimmernakuluut Kalaallit Nunaanni konvalini kisiartaavoq, naasullu takinerit ilagalugit.

    Kanaartaa pilutaalu
    Pilutai akuttusuut uummataasat, kanaartaalu kaajallallugu inissisimallutik.

    Sikkersui inerittuilu
    Sikkersui qorsuk qaamasut, kanaartai takisuut sianiisat, 4-nik sipiniusallit. Pilutaasa ataanni nuisanatik nivingapput. Sikkersui tamarmik paarnanngortarput tumaasat sungaartut aappalungusersut.

  • Kujataata ivigaasaa

    Klik for at læse mere

    Kujataata ivigaasaa

    Klik for at læse mere

    Qallunaatut atia: Næb-star
    Latiinerisut atia: Carex rostrata
    Tuluttut atia: Bottle Sedge
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat

    Naasarpoq masarsunni tatsillu sinaanni amerlasoorsuakkuutaarlutik.

    Kanaartaa pilutaalu
    Kanaartai suangasut sinai qaarajuttut qooqqinillit takisuunik pilutallit. Kanaartaa pilutaalu qorsuk tungujuartut.

    Kaavequtaa inerittuilu
    Kaavequteqarfia 2-4-nik sungaartut kajuartunik amitsunik narlusuunik angutivissanik inerittussaqarfilik, aammalu 2-3-nik ulamertunik sungaartut qorsorpaluttunik arnavissanik inerittussaqarfilik. Ivigaasaq kajortunik tattaasaqarpoq inerittussaqarfii quassugaasat, qupinilinnik sigguusallit. Taakku inerikkaangamik pullattarput.

  • Masarsuup ivigaasaa

    Klik for at læse mere

    Masarsuup ivigaasaa

    Klik for at læse mere

    Qallunaatut atia: Mose-star
    Latiinerisut atia: Carex rariflora
    Tuluttut atia: Mountain Bog-Sedge
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat

    Naasarpoq masarsummi, sissami narsaviani, tatsit eqqaanni kuuillu sinaanni.

    Kanaartaa pilutaalu
    Kanaartaa manissoq sillakullak, pilutai manissut ataatungimikkut tukimoortunik qerattaqqutillit aamma kajortunik aappalungusersunik puullit, kajortunik puulinnik naatsunik pilutaarallit.

    Kaavequtaa inerittuilu
    Masarsuup ivigaasaa ataatsimik angutivissamik kaavequteqarpoq , aammalu 1-3-nik nivingasunik arnavissanik kaavequteqarluni. Tattaasai tumaasat qernertut kajuartut qitermikkut qaamanerusumik titarniusallit, inerittussaasa puui tumaasat qorsorpaluttut.

  • Nerlerit nerisassaat, Tuttut nerisaat

    Klik for at læse mere

    Nerlerit nerisassaat, Tuttut nerisaat

    Klik for at læse mere

    Qallunaatut atia: Ager-padderok
    Latiinerisut atia: Equisetum arvense
    Tuluttut atia: Common Horsetail
    Gruppi: Nerlerit nerisassaat qivittut assaallu
    Naasoqatai: Naaqqaatit ataatsimik pilutallit
    Ordeni: Paarnaqutikkut
    Ilaqutai: Paarnaqutit

    Nerlerit nerisassaat naasarput Kalaallit Nunaanni sumi tamaani isugutasumi, marralimmi.

    Kanaartai, pilutai, naarlaavi kingunissaqarfiilu
    Kanaartai eqingasulittut, sullullit avinniisallit, tattaasanik mikisuaqqanik pilutallit imaluunniit kigutaasaasallit iloqqasut. Upernaakkut naaqqaarneri kajuartuupput, qorsummik qalipaatissaqannginnamik. 1-4 cm-itut takitigisumik kaavequteqarput inerittussaasiveqarfimmik. Aasakkut naaneri inerittussartaqanngitsut qorsuupput amitsunnguit, nagguaasamikkut nigalinnik avalequtillit imaluunniit “pilutaararpassuallit”.

  • Panertup ivigaa

    Klik for at læse mere

    Panertup ivigaa

    Klik for at læse mere

    Qallunaatut atia: Fjeld-festgræs
    Latiinerisut atia: Hierochloe alpine
    Tuluttut atia: Arctic holygrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Panertup ivigaa eqimattatut pinguttanngorluni naasarpoq paarnaqutaannalinni panertuni qatsissumilu. Kujasissumi qaqutigoortuuvoq, qaqqartuumi taamaallaat naasarluni.

    Kanaartaa, pilutai sikkersuilu
    Kanaartaa manissoq kajuartunik tunguusaasanik tunnganermigut puulik. Pilutai silammut qullungasut qaavi torsusuunik qiviullit. Kaavequteqarfiata nuua sungaartunik tunguusaasanik kaavequteeralik. Kaavequteerai tamarmik immikkut ataatsimik angutiviaallutillu arnavissanik sikkersoqartarput 2-nik angutivissanik kiisalu meqqutaasamik ataatsimik børstiusaqarlutik.

  • Siorpaaluk

    Klik for at læse mere

    Siorpaaluk

    Klik for at læse mere

    Qallunaatut atia: Krat-rørhvene
    Latiinerisut atia: Calamagrostis canadensis
    Tuluttut atia: Bluejoint
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat



    Naasarpoq issumi isugutasumi masattumiluunniit kuuit tatsillu sinaanni aamma orpigaqarfinni masarsuillu killingini. Pinguttakkuutaarluni naasarpoq.

    Kanaartai pilutaalu
    Kanaartai makittarissut 2-3-nik pilutallit, 4-7 mm-isut silitsigisut takisuut, manissut qitorujuttut.

    Sikkersui
    Siorpaaluk nooqarpoq 20 cm-isut takitigisumik, tunguusaq-aappillarissunik amitsunik avalequtilimmik, ataatsimik sikkersartumik kaavequteeraqarluni.

  • Terianniaasaq ersalittoq

    Klik for at læse mere

    Terianniaasaq ersalittoq

    Klik for at læse mere

    Qallunaatut atia: Fjeld-rottehale
    Latiinerisut atia: Phleum alpinum
    Tuluttut atia: Alpine Timothy
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Terianniaasaq ersalittoq naasarpoq kujasissumi pinguttakkuutaarluni sivinganerni orpigalinnilu.

    Kanaartaa pilutaalu
    Kanaartaa 2-nik seeqquusanik uiguneqarpoq, manissunik ivikkanut assingusunik narlusuunik pilutaqarluni.

    Sikkersui
    Kaavequteqarfia 2-3- cm-isut takitigisoq ulamertoq, tunguusanik eqimattanik meqqoqarpoq ataatsimik sikkersartumik kaavequteeraqarluni. Tattaasat avalliit takisuut, ataatungaani qerattaqqutaa qeratasuunik meqqulik avammut peqingasunik nuulik.

  • Terianniaasaq nerumittoq

    Klik for at læse mere

    Terianniaasaq nerumittoq

    Klik for at læse mere

    Qallunaatut atia: Polar-rævehale
    Latiinerisut atia: Alopecurus alpinus
    Tuluttut atia: Alpine Foxtail
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivikkakkut
    Ilaqutai: Ivikkat

    Terianniaasaq nerumittoq naasarpoq kuuit, inoqarfiillu eqqaanni masarsunnilu isugutasuni.

    Kanaartai pilutaalu
    2-3-nik seeqquusamik uiguniusaqarpoq pilutaasa tunnganerisa puui pullangasuut quassugaasat. Pilutai manissut sillajaat.

    Sikkersui
    Kaavequteqarfia qituttoq, meqqulik eqimattanik meqqulik manningasoq, kaavequteeralik qaserujuttumik qorsorpaluttumik tunguusaasamik ataatsimik.

  • Ukaliusaq tukattoq

    Klik for at læse mere

    Ukaliusaq tukattoq

    Klik for at læse mere

    Qallunaatut atia: Smalbladet kæruld
    Latiinerisut atia: Eriophorum angustifolium
    Tuluttut atia: Common Cottongrass
    Gruppi: Iviit aamma ivissuit
    Naasoqatai: Naaqqaatit ataatsimik pilutallit
    Ordeni: Ivigaasakkut
    Ilaqutai: Ivigaasat



    Naasarpoq Kitaani masarsunni, taseqqani tatsillu sinaanni.

    Kanaartaa pilutaalu
    Kanaartai manissut, ulamertut amitsut ivigaasanik seeqquusanik uiguniusalinnik pilutallit. Pilutai manissut qooqqinillit, pingasunik teqeqqulinnik nuullit.

    Kaavequtaa inerittuilu
    Kanaartamik manissut nuuisigut 2-6-nik nivingasunik kaavequtillit. Sikkereeraangamik 2-4 cm-isut takitigisunik qaqortunik takkajaanik meqqunittarput, anorimit siaruarterneqartartunik.