ORPIKKAT

  • Issittup orpigaa

    Klik for at læse mere

    Issittup orpigaa

    Klik for at læse mere

    Qallunaatut atia: Arktisk pil
    Latiinerisut atia: Salix arctica
    Tuluttut atia: Salix arctica
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Orpikkakkut
    Ilaqutai: Orpikkat



    Issittup orpigaa pukkitsuuvoq nunamut tunngasoq, avalequtai sorlanikkaangamik naasoq nutaanngortarluni. Naarlaavi manissuupput.

    Pilutai
    Pilutaqarpoq manningasunik tumaasanilluunniiit qorsuk asingasunik. Pilutaasa naarlaasa atai meqqoqarput.

    Sikkersui inerittuilu
    Paarnarlui makittarissut angutivissaniillutillu arnavissaniipput. Inerittussaasivii torsusuunik meqqullit aappalungusersuupput. Taakkunaniipput inerittussai anorimit tingitaasartut.

  • Orpigaq

    Klik for at læse mere

    Orpigaq

    Klik for at læse mere

    Qallunaatut atia: Blågrå pil
    Latiinerisut atia: Salix glauca
    Tuluttut atia: Northern Willow
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Orpikkakkut
    Ilaqutai: Orpikkat

    Orpigaq nuna atuarlugu naasarpoq makittarissuusinnaalluniluunniit. Naasarpoq paarnaqutaannalinni, qatsissumi, sivinganerni kuuillu sinaanni.

    Pilutai
    Pilutai tungujuartuunngikkunik qasertut qorsorpaluttut, qiviuusallit amitsukujuut, tumaasat manningasulluunniit, sinai manissut.

    Sikkersui inerittuilu
    Sungarpaluttunik kajungajattunik taartunik tamarmik immikkut angutivissanik arnavissanillu paarnarloqarfeqarpoq. Inerittussaasivii qorsorpaluttut meqquluallit, paarnarlui sungaartut kajuartunik meqqulualinnik tattaasallit.

  • Orpigaq masarsummiu

    Klik for at læse mere

    Orpigaq masarsummiu

    Klik for at læse mere

    Qallunaatut atia: Tundra-pil
    Latiinerisut atia: Salix arctophila
    Tuluttut atia: Northern Willow
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Orpikkakkut
    Ilaqutai: Orpikkat

    Orpigaq masarsummiu Kitaani kujasissumi, avannamut Uummannaq tikillugu naasarpoq masarsunni, issuatsiaani tasinnguanilu.

    Avalequtai pilutaalu
    Orpigaavoq makittarissunik nalasunik sorlanittartunik avalequtilik, tumaasanik manningasunilluunniit pilutalik, qaavi qillertunik qorsuk taartunik ataallu qorsuk tungujuartunik.

    Sikkersui
    Paarnarloqarfeqarpoq makittarissunik aappalungusersunik takisuunik meqqulinnik. Paarnarloqarfiit angutivissat arnavissallu naasuni immikkoortuniipput.

  • Piluusat

    Klik for at læse mere

    Piluusat

    Klik for at læse mere

    Qallunaatut atia: Dværg-pil
    Latiinerisut atia: Salix herbacea
    Tuluttut atia: Herb-like Willow
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Orpikkakkut
    Ilaqutai: Orpikkat

    Piluusat orpigaapput pukkitsut amitsunik nunap iluatigoortunik sorlannguuttartunik avalequtillit. Naasarpoq sivinganerni, masarsunni apusineqarfinnilu.

    Pilutai, sikkersui inerittuilu
    Avalequtaasa nuui nunami puttusimasut. Tamarmik immikkut 2-4-nik pilutaqarput ammalortunik, sinai killavaartuaqqanik qillertunik. Mikisunik ammalortunik angutivissanik arnavissanillu paarnarloqarfeqarput. Paarnarloqarfii arnavissat 2-9-nik sikkersoqartarput. Taakku kingusinnerusukkut inerittussaasivinngortarput aappaluttut kajuartut.

  • Seernaasat

    Klik for at læse mere

    Seernaasat

    Klik for at læse mere

    Qallunaatut atia: Rødknæ
    Latiinerisut atia: Rumex acetosella
    Tuluttut atia: Sheeps Sorrel
    Gruppi: Naasut
    Naasoqatai: Naaqqaatit marlunnik pilutallit
    Ordein: Niilikikkut
    Ilaqutai: Orpikkat



    Seernaasat naasarput Kitaani Tunumilu orpigaqarfinni panertuni ivikkat akornanni paarnaqutaannalimmilu.

    Kanaartaa pilutaalu
    Kanaartaa qiterminiit immikkoortiterpoq piluttami kangiisigut seeqquusamigulluunniit aappaluttunik ameraasanik pooqarluni. Pilutai amitsukujuut marlunnik qummut sammisunik sipinillit.

    Sikkersui
    Sikkersui aappaluartut kanaartaa kaajallallugu immikkoortitaarput. Naasut tamarmik immikkut angutiviaanngikkunik arnavissanik sikkersoqarput.