QARLUUSALIKKUT

  • Sioqqat naanii

    Klik for at læse mere

    Sioqqat naanii

    Klik for at læse mere

    Qallunaatut atia: Hestetunge
    Latiinerisut atia: Mertensia maritime
    Tuluttut atia:Sea Lungwort
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Maniilallit

    Sioqqat naanii Kitaani siaruarsimapput, Avannaani Tunumilu qaqutigoorlutik. Sissami sioralinni ujaraaralinniluunnit naasarput.

    Kanaartaa pilutaalu
    Naasoq suangasooq kanaartaqarpoq 15-40 cm-isut takitigisunik nalasunik noqarutilinnik. Pilutai manissuupput, issusuut, tungujortut qorsorpaluttut, tumaasat silittut, nuui mikisut inngigissut. Uiluittut tipeqarput.

    Sikkersui inerittuilu
    Sikkersui 5-nik pilutaqarput sianiusaallutik, aappalungusersooriarlutik tungujortunngortartut. Sikkersui kaavequteqarfimminni avaleraartumi eqimapput. Naasussai imermit siaruartarput.

  • Sissarmiu

    Klik for at læse mere

    Sissarmiu

    Klik for at læse mere

    Qallunaatut atia: Strand-vejbred
    Latiinerisut atia: Plantago maritima
    Tuluttut atia: Seaside Plantain
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Sissap naasui

    Sissarmiu naasarpoq marrarmi ujaraaralimmilu, sissap killingani, sissami narsartani tatsinilu tarajulinni.

    Kanaartaa pilutaalu
    Qorsuk qasertuuvoq pilutai manissut narlusuut issukullaat. Pilutaqarfimminiit kanaartaqarpoq qeratasuumik meqqulimmik.

    Sikkersui
    Mikisunnguupput kajuartut sungaartunik qaamasunik pujoralassaasivillit. Kaavequtimikkut eqimasunik sikkersoqarput.

  • Toornaarsuup nassui

    Klik for at læse mere

    Toornaarsuup nassui

    Klik for at læse mere

    Qallunaatut atia: Sorttop
    Latiinerisut atia: Bartsia alpina
    Tuluttut atia: Alpine Bartsia
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Mippertut

    Kalaallit Nunaanni naasarpoq paarnaqutaannalinni naggorissuni, sivinganerni kuuaraqarfinnilu sivingasunik sinilinni. Naasut allat sorlaanniit inuussutissaminik pisarpoq.

    Kanaartaa pilutaalu
    Kanaartaa makittarissoq mannguminiit avalequtsersorsimanngitsoq akileriiaanik pilutalik. Pilutai manningasut nuui inngigissut sinai qaarajuttut killavaartut. Naasoq meqqoqarpoq.

    Sikkersui inerittuilu
    Sikkersui sullullit tunguusat taartut 2-nik qarluusallit sianiusat, 4-nik sipiniusallit. Naatsiiassaasivia manningasoq 2-nik ammartartulik.

  • Tupaarnaq

    Klik for at læse mere

    Tupaarnaq

    Klik for at læse mere

    Qallunaatut atia: Skotsk timian
    Latiinerisut atia: Thymus praecox
    Tuluttut atia: Arctic Thyme
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Qarluusallit

    Tupaarnaq orpigaaraavoq nunamut tunngasoq sivinganerni, paarnaqutaannalinni orpigaqarfinnilu naasartoq.

    Kanaartaa pilutaalu
    Pilutai tumaasat issukullaat kanaartamikkut meqquluallit. Tipigissuugamik nerisassiornermi akuutissatut atorneqarsinnaapput. Kanaartai nuna atuarlugu naasartut sisamanik teqeqqullit, sammivimmikkut marluusutigut meqqullit.

    Sikkersui
    Sikkersui aappaluttut tunguusat kanaartaasa narlusuut mannguini eqimasut. Sikkersui pilutaaraallu marlunnik qarluusaqarput.

  • Ulannerusaq meqqulik

    Klik for at læse mere

    Ulannerusaq meqqulik

    Klik for at læse mere

    Qallunaatut atia: Lådden troldurt
    Latiinerisut atia: Pedicularis hirsuta
    Tuluttut atia: Hairy Lousewort
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Mippertut



    Ulannerusaq meqqulik naasunit allaniit ilaatigut ilaniartartuuvoq naasut allat sorlaanniit inuussutissaminik pisartoq. Naasarpoq apusineqarfinni, qatsissumi avaalaqialinnilu.

    Kanaartaa pilutaalu
    Kanaartaa tunguusaq qulaatungimigut meqqulik akuttusuunik tamatigut tamaana pilutalik. Pilutai meqqutut sipinillit qitermikkut silittumik titarniisaqarput.

    Sikkersui
    Sikkersui 12-22-t aappalorujuttut, meqqulinnik najummisunik pilutaarallit.

  • Ulannerusaq qaqqorissoq

    Klik for at læse mere

    Ulannerusaq qaqqorissoq

    Klik for at læse mere

    Qallunaatut atia: Laplands-troldurt
    Latiinerisut atia: Pedicularis lapponica
    Tuluttut atia: Lapland Lousewort
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Mippertut

    Ulannerusaq qaqqorissoq naasarpoq paarnaqutaannalinni naggorissuni sivinganernilu. Naasut allat sorlaanniit inuussutissaminik pisarpoq.

    Kanaartaa pilutaalu
    Kanaartaqarpoq qeratasuunik aappalungusersunik, taamaallaat qulaatungimikkut meqqulinnik. Pilutai manissut sipiniusallit sinaat killavaartut qitermikkut silittumik titarniisallit. Pilutai iloqqasuunngitsut.

    Sikkersui
    Sikkersoqarfia ammasoq 7-14-nik sungarpaluttunik sikkersulik aappalungusersumik kaavequtilik.

  • Ulannerusaq sungaaqqissoq

    Klik for at læse mere

    Ulannerusaq sungaaqqissoq

    Klik for at læse mere

    Qallunaatut atia: Brand-troldurt
    Latiinerisut atia: Pedicularis flammea
    Tuluttut atia: Upright Lousewort
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Mippertut

    Sungaaqqissoq naasarpoq paarnaqutaannalinni isugutasuni, apusineqarfinni sivinganernilu aammalu qaarsuni sivinganernilu kuugaartuni. Allanut ilaniartartuupput.

    Kanaartaa pilutaalu
    Kanaartaa immikkoortitertuunngitsoq, manissoq aappaluttoq kajuartumiit tunguusaq. Pilutai taartut kanaartallit meqqutut sipiniusallit, sinai killavaartut.

    Sikkersui
    Sikkersui sungaaqqissut kakkiviaasallit aappaluttumiit kajortoq tunguusat. Kaavequtaani ataatsimoortut.

  • Uummataasaq

    Klik for at læse mere

    Uummataasaq

    Klik for at læse mere

    Qallunaatut atia: Liden skjaller
    Latiinerisut atia: Rhinanthus minor
    Tuluttut atia: Small Yellow-rattle
    Gruppi: Naasut
    Naasoqatai: Naaqqaatit marlunnik pilutallit
    Ordeni: Qarluusalikkut
    Ilaqutai: Mippertut

    Uummataasaq naasarpoq sivinganerni, orpikkat akornanni, ivigaqarfinni paarnaqutaannalinnilu. Naasoqatiminniit ilaniartartunut ilaavoq, naasut allat sorlaanniit inussutissaminik pisarluni.

    Kanaartaa pilutaalu
    Kanaartaa mannguminiit avalequtsersorsimanngilaq, sisamanik teqeqqoqarpoq meqqoqarluni pilutai illugiiaat akileriiaartut narlusuut sinai qaarajuttumik killavaartut.

    Sikkersui inerittuilu
    Sikkersui sungaartut qarluusanik pullangasunik kaavequtillit. Kaavequteqarfimmi takisuumi ataatsimoorput. Naatsiiassaasivia naasussarpassuaqarpoq anorimit teqqarneqartartunik.