RUUSAKKUT

  • Akulaluk

    Klik for at læse mere

    Akulaluk

    Klik for at læse mere

    Qallunaatut atia:Klippe-stenbræk
    Latiinerisut atia: Saxifraga paniculata
    Tuluttut atia: Livelong Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kakillallit

    Akulaluk naasarpoq innaarsunni saqqartani panertuni, qaarsut salliarnartaanni qaarsullu quppaanni.

    Kanaartaa pilutaalu
    Pilutaqarpoq iloqqasunngorlutik naasartunik torsusuunik, qaleriiaanik qeratasuunik. Killormut manningasuupput imaluunniit amitsukujuut sillajaajullutik sinimikkut kigutaasallit kalkiusunik. Kanaartaa portusooq makittarissoq ataasiakkaanik mikisunik pilutalik.

    Sikkersui
    Sikkersui 5-10-t ataatsimoortut eqimattat, tamarmik immikkut 5-nik qaqortunik pilutallit aappaluttunik toorneerallit.

  • Inneruulaaraq

    Klik for at læse mere

    Inneruulaaraq

    Klik for at læse mere

    Qallunaatut atia: Guld-potentil
    Latiinerisut atia: Potentilla crantzii
    Tuluttut atia:Alpine Cinquefoil
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Inneruulaaraq Kalaallit Nunaanni naasarpoq paarnaqutaannalinni isugutasuni, sivinganerni, orpigaqarfinnilu.

    Kanaartaa pilutaalu
    Kanaartai aappalungusersut avalequtillit nunami nuisanermikkut iloqqasut 5-nngorlutik avissaangasut. Pilutai allat nalinginnaasumik 3-nik pilutaaraqarput. Pilutaarai killormut sammisumik manningasuupput imaluunniit tumaasaallutik sinai killavaartut. Naasoq meqqoqarpoq sungaartunik mikisunik qinerseqarluni.

    Sikkersui inerittuilu
    Sikkersui kanaartaatigut 5-nik sungaartunik pilutaqarput, tunnganermikkut aappaluttoq sungarpaluttunik orangeanilluunniit milaqarlutik.

  • Kakillalik pinguttangasoq

    Klik for at læse mere

    Kakillalik pinguttangasoq

    Klik for at læse mere

    Qallunaatut atia: Tue-stenbræk
    Latiinerisut atia: Saxifraga caespitosa
    Tuluttut atia: Tufted Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kakillallit

    Kakillalik pinguttangasoq Kalaallit Nunaanni tamarmi naasarpoq qaarsut quppaanni, qerrulinni, qatsissumi, qaarsuni qattunernilu ujaraaralinni. Pinguttakkuutaarluni naasarpoq.

    Kanaartaa pilutaalu
    Qinersinik meqqoqarpoq, kanaartamigut pilutaqarluni aappalungusersunik narlusuunik aammalu 3-5-nik qorsuk qaamasunik sinai killavaartunik pilutaaraqarluni.

    Sikkersui
    Sikkersoqarpoq tarpangasunik 5-nik qaqortunik kanaartamigut aammalu aappalungusersunik 5-nik avallernik pilutaqarluni. Sikkersui 1-5-ikkuutaartut ataatsimoorput.

  • Kakillalik ulloriaasaq

    Klik for at læse mere

    Kakillalik ulloriaasaq

    Klik for at læse mere

    Qallunaatut atia: Stjerne-stenbræk
    Latiinerisut atia: Micranthes stellaris
    Tuluttut atia: Starry Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kakillallit

    Kakillallit naasarput puilasoqarfinni, apusineqarfinni kuuillu sinaanni.

    Kanaartaa pilutaalu
    Naasoq nunamiit nuisanermigut pilutaqarpoq manningasunik killormut sammisunik sinai killavaartunik. Kanaartaa aappaluttoq meqqulik pilutaqanngitsoq.

    Sikkersui
    Sikkersui ulloriangasut ammut peqingasunik kaavequtip pilutai avalliit 5 tamarmik immikkut tunnganermikkut sungaartunik 2-nik milallit. Sikkersoqarfiit mannguminniit avalequteqarput ikittunnguanik naasulinnik.

  • Kakillallit

    Klik for at læse mere

    Kakillallit

    Klik for at læse mere

    Qallunaatut atia: Purpur-stenbræk
    Latiinerisut atia: Saxifraga oppositifolia
    Tuluttut atia: Purple Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kakillallit

    Kakillallit naasarput qatsissumi narsartani, qerrulinni, apusineqarfinni, qaarsut quppaanni sivinganernilu ujaraaralinni.

    Kanaartaa pilutaalu
    Kakillallit naasuupput naatsut kanaartaa nuna atuarlugu pinguttanngorlutik naasartut. Iloqqasunik eqimasunik 4-kkuutaartunik. Pilutai qeratasuut isseqarluartut sinaat meqqullit nuumikkut kalkimik inerittussallit.

    Sikkersui
    Sikkersui tarpangasut aappaluttut taartut kaavequtimikkut 5-nik pilutallit.

  • Kamalluit

    Klik for at læse mere

    Kamalluit

    Klik for at læse mere

    Qallunaatut atia: Sne-stenbræk
    Latiinerisut atia: Micranthes nivalis
    Tuluttut atia: Alpine Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kamalluit

    Kamalluit Kalaallit Nunaanni tamarmi naasarput paarnaqutaannalinni, taseqqat eqqaanni, qatsissumi apusineqarfinnilu.

    Kanaartaa pilutaalu
    Kamalluit pilutaqarput iloqqasunik issusuunik, aammalungajattunik, sinai killavaartunik. Kanaartaa aappaluttoq taartoq meqqulik pilutaqanngilaq.

    Sikkersui
    Sikkersui naatsuaqqanik pilutaaraqarputimminnut attuumasunik. Sikkersui 5-nik pilutaqarput, kaavequtip pilutai avalliit 5, pujoralatserutit 10.

  • Kuanniusaaraq, Isaangusat

    Klik for at læse mere

    Kuanniusaaraq, Isaangusat

    Klik for at læse mere

    Qallunaatut atia: Kilde-løvefod
    Latiinerisut atia: Alchemilla glomerulans
    Tuluttut atia: Cluster-flowered Lady´s-mantle
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Kuanniusaaraq naasarpoq puilasut kuuillu eqqaanni isugutasuni, sivinganerni orpigaqarfinnilu. Angisuut torsusuunngorlutik naasarput.

    Kanaartaa pilutaalu
    Pilutai takisuunik kanaartallit tartuuusat ilaatigut imminnut qallersimasut, sinai aappaluttut killavaasat. Kanaartai pilutaasalu qaavi meqqoqarput.

    Sikkersui
    Sikkersui sungaartut qorsorpaluttut torsusuut nivingatat. Tamarmik immikkut 4-nik avallernik pilutaqarput 4-nillu pilutaaraqarlutik. Kaavequtai pilutaqanngillat.

  • Musaq

    Klik for at læse mere

    Musaq

    Klik for at læse mere

    Qallunaatut atia: Egedes potentil
    Latiinerisut atia: Potentilla egedii
    Tuluttut atia: Pacific Silverweed
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Musaq Kalaallit Nunaanni nalinginnaasoq siaruarsimavoq avannamut Upernavimmiit Ittoqqortoormiinut. Naasarpoq sissami narsaviani sioralinni marralinnilu.

    Kanaartaa pilutaalu
    Naasoq pukkitsuuvoq “kanaartai”nuna atuarlugu nukeruallit aappalungusersunik qummukartunik kanaartallit. Pilutai killavaartuupput. Tamarmik immikkut 3-5-nik pilutaaraqarput nuugissunik.

    Sikkersui
    Sikkersui kanaartaasa nuuini ataasiakkaarput. Sungaartuupput 15-25 mm-isut angitigisut.

  • Napaartoq

    Klik for at læse mere

    Napaartoq

    Klik for at læse mere

    Qallunaatut atia: Grønlandsk røn
    Latiinerisut atia: Sorbus groenlandica
    Tuluttut atia: Mountain Ash
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Napaartoq Kujataani kangerluit qinnguini orpigaqarfinni naasarpoq.

    Pilutai
    Pilutaqarpoq 10-20 cm-isut atsigisunik tamarmik immikkuutaartunik 6-7-nik pilutaaralinnik, nuuani pilutaa ataaseq. Pilutai tumaasat sinai killavaartut.

    Sikkersui inerittuilu
    Sikkersui qaqortut mikisut 5-nik pilutaarallit. Taakku 6-10 cm-isut atsigisuni affarmik qaamasortaasaniipput. Paarnai orangeat seernartut.

  • Nernaq

    Klik for at læse mere

    Nernaq

    Klik for at læse mere

    Qallunaatut atia: Tornet stenbræk
    Latiinerisut atia: Saxifraga tricuspidata
    Tuluttut atia: Three-toothed Saxifrage
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Kakillallit

    Kalaallit Nunaanni naasarpoq panertunik sioralinni qaarsullu quppaanni.

    Kanaartaa pilutaalu
    Naasoq ukiumi qorsuujuaannartoq pinguttaasanngorluni naasarpoq iloqqasunik torsusuunik, tumaasanik, kapinartunik amiusanik issusuunik pilutalik. Kanaartaa nappaarissoq meqqulik narlusuunik mikisunik pilutalik.

    Sikkersui
    Sikkersui qaqortut orangeanik mikisunnguanik milallit. Sikkersarpoq 4-10-kkuutaartunik. Tamarmik immikkut 5-nik pilutaqarput.

  • Pingasulik

    Klik for at læse mere

    Pingasulik

    Klik for at læse mere

    Qallunaatut atia: Trefingerurt
    Latiinerisut atia: Sibbaldia procumbens
    Tuluttut atia: Procumbent Sibbaldia
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Pingasulik naasarpoq Kitaani Tunumilu, avannamut Upernavik aamma Kuhn Ø tikillugu sivinganerni apusineqarfinnilu.

    Kanaartaa pilutaalu
    Pukkitsoq torsukullattut pinguttangasumik naasartoq, kanaartaa nuna atuarlugu naasartoq. Pilutai 3-kkuutaartut imminnut atasut. Pilutaarai meqqullit pingasunik “kigutillit”.

    Sikkersui
    Naasut pingasulikkut sikkersui eqimattakkuutaarput. Sikkersui tamarmik immikkut 5-nik mikisunik, sungaartunik kaavequtimikkut pilutaqarput angisuunik qorsunnik avallernik pilutaqarlutik.

  • Tullerunnaaraq

    Klik for at læse mere

    Tullerunnaaraq

    Klik for at læse mere

    Qallunaatut atia: Liden stenurt
    Latiinerisut atia: Sedum annuum
    Tuluttut atia: Small Yellow-rattle
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Tullerunnat

    Tullerunnaaraq Kalaallit Nunaanni naasarpoq qaarsut quppaanni seqinermut sammisuni panertuni, sivinganerni orpigaqarfinnilu.

    Kanaartaa pilutaalu
    Pilutai ulamertut, issusuut sungaartut qorsorpaluttut. Ukioq qaangiukkaangat pilutai aappaluttunik kajuartunik milanittarput. Pilutai kanaartaani makittarissuni akuttusuujupput. Naasoq tamarmi manissuuvoq.

    Sikkersui
    Sikkersui naatsunik kanaartallit sungaartut qorsorpaluttut 5-nik amitsunik inngigissunik pilutallit, aamma 5-nik naatsunik avallernik kaavequtip pilutaqartoq ammallorissut. Sikkersui ataatsimoortut nivingataasaapput.

  • Tullerunnaq, Sorlak, Pakalak

    Klik for at læse mere

    Tullerunnaq, Sorlak, Pakalak

    Klik for at læse mere

    Qallunaatut atia: Rosenrod
    Latiinerisut atia: Stellaria humifusa
    Tuluttut atia: Low Chickweed
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Tullerunnat

    Tullerunnaq naasarpoq sivinganerni, qaarsut quppaanni, innani timmissat ineqarfiini paarnaqutaannalinnilu naggorissuni. Pinguttanngorluni naasarpoq.

    Kanaartaa pilutaalu
    Kanaartamigut nappaarissukkut sillajaakkut akuttujaanik pilutaqarpoq. Pilutai issusuujupput isseqarluartut, tungujuaangajattut.

    Sikkersui
    Sikkersoqarfia sungaartut qaamasunik eqimattanik sikkersoqarpoq, tamarmik immikkut 4-nik niaqorutimikkut pilutaqarput. Angutivissat arnavissallu immikkoorlutik naasarput.

  • Uluusiit

    Klik for at læse mere

    Uluusiit

    Klik for at læse mere

    Qallunaatut atia: Multebær
    Latiinerisut atia: Rubus chamaemorus
    Tuluttut atia: Cloudberry
    Gruppi: Naasut
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Uluusiit Kujataani Kitaatalu kujasissuani qaqutigoortuuvoq. Naasarpoq isugutattumi naggorluttumik issulimmi, eqimattakkuutaarajulluni. Taamaallaat siumugassaapput Kitaani Nuummiit kujammut.

    Kanaartaa pilutaalu
    Kanaartai tamarmik immikkut marlunnik pilutallit ataatsimik sikkersortaqarput. Pilutai tartungasut eqingasulittut 5-t, ilaatigut imminnut qallersimasut.

    Sikkersui inerittuilu
    Inerittui paarnat imaluunniit paarnaaqqat arlalinngorlutik naasartut. Paarnai aappaluttooriarlutik inerikkaangamik orangeanngortarput. Sikkersui qaqortut 5-nik pilutallit.

  • Umerluusaq

    Klik for at læse mere

    Umerluusaq

    Klik for at læse mere

    Qallunaatut atia: Rypelyng (Fjeldsimmer)
    Latiinerisut atia: Dryas integrifolia
    Tuluttut atia: Mountain Avens
    Gruppi: Orpiit orpikkallu
    Naasoqatai: Naaqqaatit marlunnik pilutallit
    Ordeni: Ruusakkut
    Ilaqutai: Ruusat

    Umerluusat Kalaallit Nunaanni sumi tamaani qatsissumi paarnaqutaannalinnilu panertuni ujaraaralinnilu naasarput.

    Avalequtai, pilutai kaavequtaalu
    Pukkitsuuvoq torsusooq avalequtai nalasut sikkersoqarfii 6 cm tikillugit takissusillit. Pilutai ukiukkut qorsuujuaannartut issusuut qaavi qillertut, ataalu qarsungasut. Kanaartai naatsut. Sikkersui qaqortut 7-9-nik pilutallit amerlasuunik pujoralassaasiveqarlutillu angutiviartallit aammalu ermusiusai aappaluttut meqqoqarlutik. Inerittussaqaleraangat pujoralassaasivii tallisarput.