Asimi uumasunik leksikoni

Asimi webportaliuvoq Kalaallit Nunaanni pinngortitaq pillugu leksikonertalik, Kalaallit Nunaanni meeqqat atuarfianni atugassatut naatsorsuussaasoq. Portalimut atatillugu foldetavlit arlallit pinngortitami suliaqarnermi atorneqarsinnaasut suliaapput.

Atortut suliffeqarfiit Copydanimik isumaqatigiissuteqartut kopeersinnaavaat.

Taaguutit Asimi atorneqartut

Uumasut Asimi eqqartorneqartut kalaallisut, qallunaatut, tuluttut latiinerisullu atii nalinginnaanerpaat atorlugit taagorneqarput. Uumasut ilaat arlalinnik taaguuteqartinneqartarput. Kalaallisut taaguutit Kalaallit Nunaanni Oqaasiliortunit akuerisaapput.

Sammisassat suliassallu

Allaatigisat arlaqartut suliassartaqarput, Copydanip malittarisassai malillugit kopeerneqarsinnaasunik. Kopiigassat ilaat kalaallisut, tuluttut qallunaatullu aternik imaqarput. Suliassat nalorsitsaarutillu uumasunik naasunillu akuleriillugit imallit aamma ilaapput.

Nukarlerni, akullerni angajullernilu atorneqarsinnaasunik suliassaqarpoq.