Eqalugaq

Qallunaatut atia: Polartorsk
Latiinerisut atia: Boreogadus saida
Tuluttut atia: Polar Cod
Sorlernut ilaava: Aalisakkat
Aalisagaqatai: Saarullikkut
Ilaqutai: Saarulliit

Eqalugaq Kalaallit Nunaata sineriaasa imartaanni tamani sikuniluunniit saatsersuni uumasuuvoq. Ikerinnarsiortuuvoq amerlasoorsuakkuutaarsinnaallunilu. Issittumi tamarmi Canadamiit Sibiriakkoorluni Alaskamut siammarsimavoq.

Ilisarnaatai
Timaa tuattunnguuvoq paperuata tungaanut amitsunnguulluni, allerui siusissuupput mikisunnguamik umiisaqarluni. Kajuartuuvoq sanerai qaamanerullutik taartumik saneqqamigut titarneqarluni. Eqalukkap saarullikkunnit allaniit immikkoorutigaa itimi kingornani avalerai qimerluanilu avaleraasai imminnut ungasikkamik.

Nerisai
Nerisarai aalisagaaqqat, siuteqqut peqquaqqallu, soorlu krillit kingukkullu.

Polartorsk - Boreogadus saida - Polar Cod
Paasissutissat
  • Uumaffii: Imaq
  • Takissusia: 35 cm tikillugu
  • Oqimaassusia: ?
  • Suai: 9.000-21.000
  • Suffisarpoq: decembari-marsi
  • Kinguaassiorsinnaalersarpoq 4 miss. ukioqaleraangami 21-23 cm-inik takissuseqarluni
  • Sivisunerpaamik uumasarpoq: ukiut 6-7 miss.
Nalunngiliuk?
Eqalugaq Kalaallit Nunaanni aalisarnikkut pingaaruteqanngilaq, taamaattorli timmissanut, aalisakkanut, teriannianut, puisinut arfernullu nerisatut pingaaruteqarluni. Allani, soorlu Barentshavimi nerisassiassaanngitsutut suliffissuarni suliarineqartarpoq.