Eqalussuaq

Qallunaatut atia: Grønlandshaj (Havkal)
Latiinerisut atia: Somniosus microcephalus
Tuluttut atia: Greenland Shark
Sorlernut ilaava: Aalisakkat
Aalisagaqatai: Eqalussuit kukillit
Ilaqutai: Eqalussuakkut

Eqalussuaq taanna Amerika Avannarliup avannamut kangisissuaniit Baffin Bugtimiillu Kalaallit Nunaat, Islandi, Svalbard Hvidehavilu tikillugit aammalu kujammut Tuluit Qeqertaat tikillugit, ilaannikkullu Nordsø Skagerakkillu kiterpasissua tikillugu uumasuuvoq. Nalinginnaasumik uumasuuvoq immap naqqani aqitsumik marullulimmi 1.200 meterit tikillugit itissusilimmi.

Ilisarnaatai
Eqalussuaq taanna qimerlummigut avaleraasaqarpoq kapinartortaqanngitsunik, masiisa quppaasai naatsuullutik qutummigullu anguutai angisuujullutik. Kajortoq taartuuvoq, aappaluttoq kajuartuusinnaalluni imaluunniit qasertuulluni qernertortalik. Amia maniilakulattuuvoq.

Nerisai
Nerisarai silut, igitat, timmissat imarmiut, aalisakkat eqalussuillu allat, peqquit, maniilakulattunik amillit uumasullu miluumasut imarmiut.