Qaleralik

Qallunaatut atia: Hellefisk
Latiinerisut atia: Reinhartius hippoglossoides
Tuluttut atia: Greenland Halibut; Turbot
Sorlernut ilaava: Aalisakkat
Aalisagaqatai: Aalisakkat natermiut talerpiatungaat qalliullutik iseqarfillit
Ilaqutai: Oquuttakkut

Qaleralik Kalaallit Nunaanni uumasuuvoq Tunumi Kitaanilu avannamut Inglefield Land Illoqqortoormiullu tikillugit. Kangerlunni avataaniluunniit 200-1000 meterit itissusilimmiuuvoq immap natingajaani immanilu qaffasinnerusormiuulluni.

Ilisarnaatai
Qaleralik immap natermiuuvoq talerpiatungaa qalliulluni iseqarfilik, isaa saamerleq qimerluata nalaaniilluni. Isaasa nalaat qasertoq kajuartuuvoq saneraani titarnera narlusuujulluni. Illuatungaa iseqarfiginngisaa qaqortuunani qasertoq qaamasuuvoq, aalisakkat natermiut allat assiginagit qaleralik naami nalaat allinngorlugu (tukingalluni) ingerlasarpoq.

Nerisai
Nerisarai aalisakkat, aalisakkat piaraat, amikut, peqquit allallu immap natermiut.