Aataaq

Qallunaatut atia: Grønlandssæl. Piaraa taaneqartarpoq blåside, inersimasoq sortside.
Latiinerisut atia: Pagophilus groenlandicus
Tuluttut atia: Harp Seal
Sorlernut ilaava: Miluumasut
Uumasoqatai: Kiisortut
Ilaqutai: Puisit

Aataaq Kalaallit Nunaata kitaani Tunumilu ukioq kaajallallugu uumasuuvoq. Aasakkut amerlanerpaasarput, Newfoundlandimi Jan Mayenimilu erniorfimminniit Kalaallit Nunaannut tikittarlutik. Kalaallit Nunaanni kangerlunni sinerissamilu qeqertat akornanni 10-20-kkuutaarlutik takussaasarput. Nulioreeraangamik meqqutik katagaleraangata ataatsimoortorsuakkuutaarlutik katersuuttarput.

Ilisarnaatai
Inersimasut (aataarsuit) niaquat taartuuvoq tunumigut hiistip aloqutaasaanut eqqaanartumik allaqarlutik. Aataalli inuusuttut tunumikkut qasertunik milaqarput naavi qasertut qaamasuullutik.

Nerisai
Aataat nerisarineruaat ammassat, eqalukkat, putooruttut, uukkat, ammassassuit peqquillu. Aataap inersimasup ullormut aalisakkat 3 kg miss. nerisarpai.

Grønlandssæl (Unge: Blåside; Voksen: Sortside) - Aattaq; (Unge: Aataannguaq; Voksen: Aataarsuaq) - Pagophilus groenlandicus - Harp Seal
Paasissutissat
  • Uumaffii: Sineriak aamma Imaq
  • Takissusia: 160-200 cm
  • Oqimaassusia: 100-150 kg
  • Ataatsikkut erniusut: 1
  • Piaqqisarpoq: ukiumut 1
  • Naartusarpoq: qaammatit 11-12
  • Milutsitsisarpoq: ullut 10-12
  • Ukiut 4-6 qaangiukkaangata kinguaassiorsinnaalersarpoq
Nalunngiliuk?
Aataap piaraa inoorlaaq qaallorinnik meqqoqarpoq, amialu akisoorujussuulluni. Taamaattumik siornatigut piarai inunngorfiini toqorarneqartarput. Tamannali unitsinneqarsimavoq, taamaalillutillu aataat amerliartorlualersimallutik.