Arfivik

Qallunaatut atia: Grønlandshval
Latiinerisut atia: Balaena mysticetus
Tuluttut atia: Bowhead Whale; Greenland Whale; Greenland Right Whale
Sorlernut ilaava: Miluumasut
Uumasoqatai: Arferit
Ilaqutai: Arferit rethvaler

Arfivik Issittut imartaanni inuunini naallugu uumasuuvoq. Arfiviit Kalaallit Nunaata kitaani takuneqartartut Canadap/Kalaallit Nunaata arferinut ilaapput. Naatsorsuutigineqarpoq silarsuarmi arfiviit 6.000-it missilioraat.

Ilisarnaatai
Arfivik qernaringajattuuvoq allerui qaqortuullutik. Arfivik utoqqaliartortillugu sarpiata kangia sarpialu qaqortikkiartortarput. Arfivik oqimaatsorujussuuvoq nerinnartuulluni, niaqorujussuaqarluni naatsumillu nerinnartumik timeqarluni. Naparutaqanngilaq.

Nerisai
Arfivik soqqaqarpoq, aatsarluni arriitsumik ingerlasarpoq uumasuaqqat tappiorannartut, pingaartumillu nerisami illeqqat imertaa soqqarminik nakkartittarlugu.

Grønlandshval - Arfivik - Balaena mysticetus - Bowhead Whale; Greenland Whale; Greenland Right Whale
Paasissutissat
  • Uumaffii: Imaq
  • Takissusia: 18,5 m tikillugu
  • Oqimaassusia: 100 tonsit tikillugit
  • Aqqarsinnaavoq: 155 m tikillugit
  • Aqqaamasinnaavoq: 4-15 minutsit
  • Sukkassusia: nal.ak. 19 km
  • Ataatsikkut erniusut: 1
  • Piaqqisarpoq: ukiut 3-4 allortarlugit 1
  • Naartusarpoq: qaammatit 12-14
  • Ukiut 20-25-t qaangiukkaangata kinguaassiorsinnaalersarpoq
  • Sivisunerpaamik uumasarnera: ukiut 200-t tikillugit
Nalunngiliuk?
Ukiuni kingullerni silaannaap kissatsikkiartornerata kingunerisimavaa arfiviit Nordvestpassagen aqqusaarlugu Atlantikumiit Manerassuarmut ingerlaarsinnaalernerat. Ilisimatuut paasisimavaat arfiviit Kalaallit Nunaata imartaaniittut ukiuni kingullerni amerliartortut. Aalajangersagaqarpoq Kalaallit Nunaanni arfiviit ukiumut marluk pisarineqarsinnaasut.