Qilalugaq qernertaq

Qallunaatut atia: Narhval
Latiinerisut atia: Monodon monoceros
Tuluttut atia: Narwhal
Sorlernut ilaava: Miluumasut
Uumasoqatai: Arferit
Ilaqutai: Arferit Monodontidae

Qilalugaq qernertaq Tunup Kitaatalu imartaasa avannarpasissuini nalinginnaavoq. Aasakkut kangerlunniittarput sinerissamullu qanittumiittarlutik, pingaartumik Qimusseriarsuarmi Inglefield Bredningimilu. Kalaallit Nunaata Canadallu qilalugaat qernertat Baffin Bugtimi Davidsstrædemilu katersuuttarput sikuneq ajortuni ukiisarlutik.

Ilisarnaatai
Qilalugaq qernertaq inersimasoq qasertoq qernaluttuuvoq qaamanersaqarluni, naavi qaamasuullutik. Piaraa kajorujuttuuvoq qasertuulluniluunniit. Qallunaatut atia “nar” nunat avannarlermiut oqaasitoqarivaat isumaqartoq “timi toqungasoq”, tamannalu qalipaataanut attuumatinneqarpoq. Angutivissat inersimasut ilisarnaatigaat 3 meterit tikillugit takissusilimmik kiguserfimmikkut qullikkut tuugaaqaramik.

Nerisai
Qilalukkat qernertat nerisarineruaat qalerallit amikullu aamma eqalukkat raajallu.

Narhval - Qilalugaq qernertaq - Monodon monoceros - Narwhal
Paasissutissat
  • Uumaffii: Imaq
  • Takissusia: 4,5 m, tuugaava 3 m tikillugit
  • Oqimaassusia: 1,8 tonsit tikillugit
  • Aqqarsinnaavoq: 50 m tikillugit
  • Aqqaamasinnaavoq: 20 min tikillugit
  • Sukkassusia: nal.ak. 22 km tikillugit
  • Ataatsikkut erniusut: 1
  • Piaqqisarpoq: ukiut 3 miss. allortarlugit 1
  • Naartusarpoq: qaammatit 14 miss.
  • Ukiut 6-9-nik ukioqaleraangami kinguaassiorsinnaalersarpoq
Nalunngiliuk?
Qilalukkap qernertap tuugaani arfeqatimi kinguaassiorsinnaalersimasut akornanni takoqqusaarutigisarunarpaa. Ataatsimik tuugaalimmik tupinnartuliorsinnaaneranillu oqaluttuatoqqat qilalukkap qernertap “nassuanik” qipisumik tunngaveqarput. Qilalugaq qernertaq neqaa tuugaavalu pissutigalugit siornatigut piniarneqartarpoq, tuugaavalu pinnersaasiornermi tupilaliornermilu atorneqartarluni.