Qipoqqaq

Qallunaatut atia: Pukkelhval – Stubhval
Latiinerisut atia: Megaptera novaeangliae
Tuluttut atia: Humpback Whale
Sorlernut ilaava: Miluumasut
Uumasoqatai: Arferit
Ilaqutai: Tikaagulliusaat

Qipoqqaat apriili-novembarimut Kalaallit Nunaata imartaanniittarput, Kalaallit Nunaata kitaani avannamut Disko Bugt tikillugu, Grønlandshavemilu neriniartarlutik. Issittut imartaasa Sikuiuitsullu Kujalliup akornanni imarpissuartigut ingerlaartarput – ilaatigut 80-ikkuutaarlutik.

Ilisarnaatai
Qipoqqaat pingaartumik ilisarnaatigaat qatiggamikkut “tinupaniisartatik” aammalu talerorujussuatik, ataat sinaallu qaqortut. Timiminnut kaattungiiaat nippussuunnikut akornutigisarpaat. Silittumik qummut 3 m tikillugit anernera tiffuttarpoq.

Nerisai
Qipoqqaat nerisarineruaat krillit aamma aalisakkat ataatsimoortut, soorlu eqalukkat, ammassaat putooruttullu. Qanini imermik immertarpaa soqqarminik oqummiutami imertaa nakkartittarlugu. Ataatsikkut oqummiussaa 15 tonsiusarpoq.

Pukkelhval (Stubhval) - Qipoqqaq - Megaptera novaeangliae - Humpback Whale
Paasissutissat
  • Uumaffii: Imaq
  • Takissusia: 18 m tikillugit
  • Oqimaassusia: 25-30 tonsit
  • Aqqarsinnaavoq: 300 m tikillugit
  • Aqqaamasinnaavoq: 10-20 minutsit
  • Sukkassusia: nal.ak. 27 km tikillugit
  • Ataatsikkut erniusut: 1
  • Piaqqisarpoq: ukiut 2-3 allortarlugit 1
  • Naartusarpoq: qaammatit 11 miss.
Nalunngiliuk?
Qipoqqaap ilisarnaatigaa erinarsortarnini, nuliunermini pissusilersuutigisarunakkani. Aqqaleraangat paperua nuisarpoq, ilaannilu imaaniit nuivilluni pissittoq takuneqarsinnaasarpoq. Qipoqqaat ataasiakkaat immikkoortinneqarsinnaapput paperui qaqortunik assigiinngitsunik milattaqartaramik.