Illeraq

Qallunaatut atia: Vandloppe
Latiinerisut atia: Cyclops strenuus
Tuluttut atia: Cyclops
Sorlernut ilaava: Peqqunnut
Uumasoqatai: Cyclopoida
Ilaqutai: Cyclopidae

Kalaallit Nunaanni illeqqat imermiut assigiinngitsut 13-upput. Ilaat cyclops strenuus nalinginnaanerpaapput. Tatsit taseqqallu qaatungaani uumasuupput. Kalaallit Nunaata avannaani uumasuunngillat.

Ilisarnaatai
Illeqqat avinniisallit qaleruaqanngillat. Qaamikkut iseqarput, marlunnik illugiinnik maluginiuteqarlutik, siornatungimikkut naluuseqarlutik uppatimillu amitsup tunorpiaatigut pamiua peqinganeqarluni. Illeqqat ingerlasarput imaani eqisariartarlutik.

Nerisaat
Inuussutigaat algit isaannarnik takussaanngitsut, imertaajaatigalugit milluartakkatik.

Vandloppe - Cyclops strenuus - Cyclops
Paasissutissat
  • Uumaffii: Sumi tamani
  • Takissusia: 1,5-1,7 mm tikillugit
  • Kalaallit Nunaanni ukiumut ataasiarlutik kinguaassiortarput
Nalunngiliuk?
Illeqqat arnavissat mannitik manninnut puuminniitittarpaat. Mannii upernaakkut tukertarput, eqisaavaat takuneqarsinnaallutik. Eqisaavaat arriitsumik alliartortarput, ukiap ingerlanerani aatsaat inerittarlutik.