Illeraq qaamasartoq
Qallunaatut atia: Lyskrebs
Latiinerisut atia: Thysanoessa raschii
Tuluttut atia: Arctic Krill
Sorlernut ilaava: Peqqunnut
Uumasoqatai: Illeqqat qaamasartut
Ilaqutai: Illeqqat
Illeqqat qaamasartut Issittut imartaanni nalinginnaapput. Aamma taaneqartarput krill. Imaani qaffasissumi ataatsimoortorsuullutik unnuami ingerlaartarput. Ullukkut immap naqqanut qanittumi toqqorsimasarput.
Ilisarnaatai
Illeqqat qaamasartut akimut ersitsuupput kinguppannut eqqaanarlutik. Qaleruaqarput, 8-nik naluutinik nioqarlutik, tukattutut isikkulinnik maseqarlutik qaammartaateqarlutillu.
Nerisaat
Illeqqat qaamasartut unnuami nerisassarsiortarput. Nerisaraat uumasuaqqat immallu naasui plankton imertaajaatigalugit nerisakkatik.
Paasissutissat
- Uumaffii: Imaq
- Takissusia: 20-25 mm
- 14 cm miss. takissuseqaleraangamik kinguaassiorsinnaanngortarput
Nalunngiliuk?
Illeqqat qaamasartut imaluunniit krill nerisaapput uumasunit imarmiorpassuarnit, soorlu arfernit soqqalinnit, ammassassuarnit aalisakkanillu allanit. Illeqqalli qaamasartut uumasunik natermiunik nerisassaqartitsisuupput, anaat immap naqqanut kiviorartaramik.