Saattuaq

Qallunaatut atia: Stor grønlandsk krabbe
Latiinerisut atia: Chionoecetes opilio
Tuluttut atia: Snow Crab
Sorlernut ilaava: Peqqunnut
Uumasoqatai: Peqquit qulinik niullit
Ilaqutai: Lithodidae

Saattuaq Kalaallit Nunaata kitaani imaani marrarmik, sioqqanik ujaqqanillu natilimmiuuvoq, 4 gradit ataallugit kissassusilimmi. Angutivissat itisoormiuupput, arnavissat piaraallu ikkannerusormiuullutik.

Ilisarnaatai
Saattuaq qasertoq, qaqortoq-aappaluartuuvoq imaluunniit kajuartuulluni tumaasamik qalerualik, pisuutinik niulik, angisuunik tigutsisilik. Angutivissap qaleruaa 7 cm-nik diametereqarpoq, arnavissap 5,5 cm-it missiliuinnarlugit.

Nerisai
Nerisarai peqquit, assagiarsuaqqat, ulloriaasat, qimerloqanngitsut, siuteqqut, aalisakkat, eqqusat aamma polypdyr. Piaraasa nerisaraat plankton.